THE LAST DANCE MAGIC: ПАТИКИТЕ КОИ MICHAEL JORDAN ГИ НОСИ ВО ПОПУЛАРНИОТ ДОКУМЕНТАРЕЦ

Веќе една недела сите зборуваат за документарецот „The Last Dance“, кој претставува права кошаркарска лектира за идните генерации. Додека ги чекаме последните епизоди од документарецот, да се потсетиме на патиките кои Michael Jordan ги носеше во текот на својата маестрална кариера.

Еуфоријата околу документарниот филм The Last Dance, кој е апсолутен хит на Netflix, не опаѓа и сите ги очекуваме преостанатите две епизоди. Станува збор за долгоочекувана серија која по своето прво прикажување покажа дека нејзината тема ги надминува спортските граници.

Следејќи ја кариерата на една од најголемите спортски ѕвезди, Michael Jordan и неговите „воени другари“, цела галаксија на врвни играчи кои ја сочинуваа екипата „Chicago Bulls“, The Last Dance ни ја покажа реалноста која се замислуваше само во најсветлите денови на овој контроверзен, но и легендарен тим. Дали ги сакаме или не, Bulls - „биковите“ беа алфа и омега не само во НБА, туку и во светската кошарка во 90-тите години.

Самиот Jordan, во текот на сезоната 1997-98 година, му дозволил на тимот на сниматели со камерата да го следат секој негов чекор, но и тренинзите и подготовките на целиот тим, и мудро го чуваше снимениот материјал 20 години. Мора да признаеме дека тој не можеше да избере подобар момент за да го емитува сето тоа!

Во пресрет на последните епизоди од серијата „The Last Dance“, што сигурно ќе биде задолжителна „лектира за читање“ за идните генерации во кошарката, се сеќаваме на патиките што ги носеше Jordan за време на неговата играчка кариера. Некои од нив денес претставуваат неизоставен дел од урбаната култура и комбинациите на „street“ стилот.

Air Jordan XIII

Година 1998. MJ беше MVP на All-Star утакмицата, носејќи ги Air Jordan XIII „Black/True Red-White“. Овој модел тогаш влезе во легендите и од кошаркарските терени се пресели во љубоморно чуваните колекции на љубителите на патиките низ целиот свет.

Една од најистакнатите патики кои имавме прилика да ги видиме во првата епизода од серијата е Air Jordan XIII „He Got Game“, која МЈ ја носеше во сезоната 1997-98. Овој црно-бел модел кој го доби името He Got Game од страна на sneakerhead, затоа што стана „ѕвезда“ на истоимениот филм на Spike Lee, со Denzel Washington во главната улога.

Црвената боја дефинитивно ги обележа играчките денови на Michael Jordan. Затоа и не треба да не чуди фактот што до 6-тата по ред титула шампион на NBA лигата, легендарниот кошаркар ги носеше Air Jordan XIII “Black/True Red” – патиките кои совршено ги следеа боите на неговиот тим.

Air Jordan 1

Скокањето во различните временски периоди ја одбележаа оваа серија, а за време на еден од нив, во крупен кадар, застана моделот Air Jordan 1. Тоа се патиките кои го одбележаа стартот на една маестрална играчка кариера, која само еднаш се раѓа, а самите патики и денес претставуваат најбараниот sneaker класик.

Air Jordan 1 на крајот беше достапен и во други бои, го доби своето женско издание, но едно е сигурно - црвената боја на оригиналниот модел е причината зошто АЈ1 толку пати е „забранет“ во НБА-лигата.

Можеби најпознатиот модел на патика „Air Jordan 1“ е оној во црно-црвена, попознат како „Bred“. Денес, еден од најимпресивните sneaker класици, своевремено придонел за магијата што ја демонстрирал Michael Jordan на NBA Dunk Contest во 1985 година.

Converse Pro Leather

Уште еден голем callback во документарецот претставува вреќањето во деновите кога Jordan играл за Универзитетот во Северна Каролина. На сликата е моделот Converse Pro Leather, во кој МJ го постигна победничкиот кош во првенството.

Air Jordan VII

Олимпиското злато во 1992 година во Барселона, кој Michael Jordan со USA го освои, носејќи ги патриотските Air Jordan VII „White/Midnight Navy-True Red“. 

Air Jordan II

Во времето кога Michael Jordan ги носеше Air Jordan II, NBA лигата веќе му била „под нозете“. Оваа фотографија од документарецот The Last Dance ја покажува младата ѕвезда, која во тој момент е NBA All-Star и иден MVP на лигата.

Кога постигна 50 поени на еден меч, тоа претставуваше неверојатен податок за 1987 година, иако и ден денес не е за потценување. Тоа беше начин МЈ да добие почитување од новиот тренер на Bulls, и сето тоа верно носејќи ги Air Jordan II „White/Red-Black“.

Air Jordan III

Air Jordan III „White/Cement“ патиките станаа икона на street културата благодарејќи на бројните редизајни и атрактивни бои. МЈ нив ги носеше на NBA Slam Dunk Contest во 1988 година.

Air Jordan IV

Моделот Air Jordan IV „Black/Cement Grey“, MJ го носеше во моментот кога го постигна прочуениот The Shot.

Air Jordan XII

Сезоната 1996-97, во кариерата на Michael Jordan ја обележаа патиките Air Jordan XII „White/Varsity Red-Black“, во кој ја освио 5-тата NBA титула.

Air Jordan V

Моделот Air Jordan V „White/Black-Fire Red“ познат е по тоа што МЈ во нив постигна 69 поени на мечот со Cleaveland, во март 1990 година.

Air Jordan VI

MJ во јуни 1991 година на кошаркарските терени го победи херојот од детството и со Air Jordan VI „Black/Black Infrared“ ја освои првата NBA титула. Таа титула го означи почетокот на доминацијата на Chicago Bulls и за наредните неколку сезони.

Air Jordan XI Concord

Можеби најпознатите патики на МЈ се токму Air Jordan XI Concord. Jordan ги носеше за време на подготовките за последната сезона што ќе ја помине во Чикаго. Сцената на оваа фотографија е клучна заради еден детал - логото на шорцевите на МЈ со што го означи почетокот на доминацијата на брендот Jordan.

Air Jordan I Dunk Sole Hybrid

Исто како што вети, МJ се врати на теренот по повредата со јасна цел - да го доведе својот тим на врвот. Игнорирајќи ги сите коментари на раководството, кои беа потврдени во документарецот, Jordan на играчите од спротивниот тим им подари вистинска главоболка во Air Jordan I Dunk Sole Hybrid патиките.

Мора да признаеме дека ова не беше лесна задача! Толку многу клучни моменти во кариерата на Michael Jordan беа обележани со многу феноменални модели на патики, што беше вистински предизвик за нас, да погледнеме назад и да одбележиме само некои од нив. Додека ги чекате 2-те преостанати епизоди од серијалот The Last Dance, погледнете ја понудата на Air Jordan моделите и не пропуштајте ја можноста да почувствувате барем малку од магија на МЈ на своите нозе.

Photo credits: nicekicks.com, air.jordan.com, complex.com

Тимот на Buzz